Mit´m Hammer un mit´me Naachel,
ham’ma in de Degggel vun so ra läär Milschdos,
vun so ra gròòs Bäremarkedoos,
e Loch rinngeklobbt.
Owwe, genau in der Mitt.
Unne de Boddem,
ham’ma ganz rausgesäwelt.
Dòòdebei hat´s nadierlisch als bluudische Finger gebb.
Im Summer ging´s mit denne Doose ab an die Netzbach.
Määde unn Buwe, all midnanna.
Die Bach war mòò diefer unn mòòl flacher,
mòò brääder, mòò zickzack unn dann widder schmaaler.
Ruffgekrämbelt hamm´a die Buggs
un sinn mit de naggische Fies nix wie ab in die Fluude.
Zwische Stään unn de Felse simm´ma rumgekrawweld un
iwwer waglische Bretter balangsierd.
Die greeschde Waggerde sinn nadierlich
im hooe Boe dursch die Luft geflòò un
volle Pulle bei dem vornedraan in die Bach ingehau.
Das musst äänfach so sinn.
Vor unsere Fies hat´s hi un dòò vun unneruff geblubbert
un so komisch geroch.
Methan, Gruwegas!
Geradewääschs is das vun dief aus´em Boddem
un durch die Bach no owwe geschdii.
Laudab kläne Bläsja, ma kunnd se rischdisch mitzähle.
Ma hann gegllabd,
es wär unner de Bach, im Erdboddem drinn hohl.
Unn vun unne ruff aus de Gruwegäng käm es Gas hochgewannerd.
Un das wird änes Daas alles,
unner unsere Fies sesammeschdirdse.
Is jòò aach woanaschd passiert!
Dòòmols is dòò an de Netzbach awwer noch nix weggesackt!
Die präbarierde Milschdoose vun dehemm,
sin so endlich mòò zum Insatz kumm.
Wo´s in de Bach hochgeblubberd is,
ging schwupps
die ganz Bäremarkedoos driwwer.
Rasant is es Gas durch die Doos nòò owwe gewschdie.
Weil unne der Doseboddem jòò ganz rausgesäwelt war.
Dann hamm´a es Benzinfeierzeisch aangeworf.
Däm sei Räädsche is vorhär,
nadierlisch uff ganz groß geschdelld woa.
Un der Flammewerfer is dann
owwe
direktemang
an´s rausgeglobbde Loch gehall woa.
Direktemang dort wo´s schdingische Gas
widder rauskumm is.
E bisje Schiss hanmm´a gehat, es wird explodiere.
Is awwer nie was passiert.
E herrlisch blòò Gasflämmje is rausgeflaggert.
Ma mussd awwewr alles rischdisch mache,
sunschd hat´s nit geklappt !
An der ään lang Kurv vun da Netzbach
hat´s als
so scheen blòò geleischd.
Am scheendschde nadierlisch im Dunkle,
wie ma dort zelte waare !
Stolz ware ma wie die Keenische.
Määde unn Buwe,
all mitnanner.
Mit´m Hammer un mit´me Naachel,
ham’ma in de Degggel vun so ra läär Milschdos,
vun so ra gròòs Bäremarkedoos,
e Loch rinngeklobbt.
Owwe, genau in der Mitt.
Unne de Boddem,
ham’ma ganz rausgesäwelt.
Dòòdebei hat´s nadierlisch als bluudische Finger gebb.
Im Summer ging´s mit denne Doose ab an die Netzbach.
Määde unn Buwe, all midnanna.
Die Bach war mòò diefer unn mòòl flacher,
mòò brääder, mòò zickzack unn dann widder schmaaler.
Ruffgekrämbelt hamm´a die Buggs
un sinn mit de naggische Fies nix wie ab in die Fluude.
Zwische Stään unn de Felse simm´ma rumgekrawweld un
iwwer waglische Bretter balangsierd.
Die greeschde Waggerde sinn nadierlich
im hooe Boe dursch die Luft geflòò un
volle Pulle bei dem vornedraan in die Bach ingehau.
Das musst äänfach so sinn.
Vor unsere Fies hat´s hi un dòò vun unneruff geblubbert
un so komisch geroch.
Methan, Gruwegas!
Geradewääschs is das vun dief aus´em Boddem
un durch die Bach no owwe geschdii.
Laudab kläne Bläsja, ma kunnd se rischdisch mitzähle.
Ma hann gegllabd,
es wär unner de Bach, im Erdboddem drinn hohl.
Unn vun unne ruff aus de Gruwegäng käm es Gas hochgewannerd.
Un das wird änes Daas alles,
unner unsere Fies sesammeschdirdse.
Is jòò aach woanaschd passiert!
Dòòmols is dòò an de Netzbach awwer noch nix weggesackt!
Die präbarierde Milschdoose vun dehemm,
sin so endlich mòò zum Insatz kumm.
Wo´s in de Bach hochgeblubberd is,
ging schwupps
die ganz Bäremarkedoos driwwer.
Rasant is es Gas durch die Doos nòò owwe gewschdie.
Weil unne der Doseboddem jòò ganz rausgesäwelt war.
Dann hamm´a es Benzinfeierzeisch aangeworf.
Däm sei Räädsche is vorhär,
nadierlisch uff ganz groß geschdelld woa.
Un der Flammewerfer is dann
owwe
direktemang
an´s rausgeglobbde Loch gehall woa.
Direktemang dort wo´s schdingische Gas
widder rauskumm is.
E bisje Schiss hanmm´a gehat, es wird explodiere.
Is awwer nie was passiert.
E herrlisch blòò Gasflämmje is rausgeflaggert.
Ma mussd awwewr alles rischdisch mache,
sunschd hat´s nit geklappt !
An der ään lang Kurv vun da Netzbach
hat´s als
so scheen blòò geleischd.
Am scheendschde nadierlisch im Dunkle,
wie ma dort zelte waare !
Stolz ware ma wie die Keenische.
Määde unn Buwe,
all mitnanner.