Ganz morsch

sinn die Speische unn die Räder.

Sei Holz zergeht ma zwische de Hänn.

Die Eisebeschlääsch drummerum

sinn todaaal varoscht,

falle ab

kinne nix meh halle.

Unn jetzt pischbert ́s widder vun de Deichsel här

unn ausem Herbschdlaab:

„ Doot hann se im Grawe gelää, iwweral!

Angscht ham ́ma misse hann,

iwwerall nur Splidder

unn Doodesangscht vor de Dieffliescher,

uff da Flucht,

im Kriesch;

mit däm Wänsche.“

Variggt is es.

Irjendwann,

s´ is graad moo so Gras driwwwa gewachs

sinn widder die Gutzjer geflòò,

aus em gleische Wäänsche.

Gebollert hann die Eiserääfe

iwwer ́s Trottoir unn iwwer die Koppstään.

Allee hopp, vornweg es Dansmariesche,

die Majorets*

unn isch als klääner Bub hinnedraan

an da Deichsel.

Mòrje

kummt widder

es klään Aisha* vorbeigesprung,

schlurbst immer durch ́s bunde Laab.

Es sucht hie mit so e bissje sei Dehämm.

Sie wäre uff da Flucht, wee`m Kriesch vazählt ́s immer un immer

widder.

Bei uns flieje jòò känn Splidder meh dursch die Luft.

Isch hann noch e Beggo* in da Buggsetasch,

so aus Karamell, Plombeziehergutsje.

Dòò is es wie wild druff!

Unn de Rescht vum Wäänsche?

Soll isch ́s äänfach so unnerhewe?

`S is doch schunn ganz morsch?

Mòò gugge, was wird!

Anmerkungen:

*Majorets: Tanzgruppen aus Lothringen, die auch in saarländischen

Faschingsumzügen mitlaufen

*Aisha: arabischer Mädchenname , der auch in Syrien verwendet

wird. Er bedeutet die Lebendige, die wohlauf ist.

*Beggo, hochsprachlich Beccos: Bonbons, die ursprünglich aus

Eckbolsheim im Elsass kamen und im Saarland weit verbreitet waren.