Im Schubbe

hat se gehong, am Naachel,

all die Jòhre!

Drumerum ware lauder Spinnweewe

unn iwwerall nur Knuschd!

Sauwer hann isch se gemachd,

ingefett,

zwei Daach stehngelass

unn dann gewienert.

Echt Rindsledder.

Em Vadder sei Schafftasch.

Zwei Schnappvaschliss sinn an de Schnalle,

an jedem e klään Schloss draan.

Innewensisch

war sogaa noch e alder Tippschein.

6 aus 49.

Irjendwann had’s dòò sogaa mòòl

denne Fünfer gebb.

Tippgemeinschaft,

die Schischt hat Kopp gestann!

Isch siehn ne heit noch doo rauskumme,

aus em Doorhaus,

mit denne annere.

Wie se die Tasch genschlengggerd hann,

sesamme geschafft,

ach mòòl Balawer gehatt,

awwer sesammegehall !

Isch bin uff da Aawet,

sitz am PC,

genn mei Kennwort in: 6 aus 49

De Bildschirm laafd hooch,

ich holl e Stick aus seina Schaafftasch

unn schlengere los.